Oferta formativa

Gaita

Gaita

 

Anque’l procesu de formación de los futuros gaiteros va ser muy flesible, en xeneral va dividise en 6 niveles o etapes. Esto nun quier dicir que tenga d’axustase a 6 cursos académicos, porque al tratase d’una enseñanza individualizada, el ritmu de deprendimientu afáyase a les circunstancies personales de cada alumnu, acordies a la so edá y conocimientos musicales previos.

El Nivel 0 supón el primer contactu cola dixitación de la gaita, y tá diseñáu especialmente pa los alumnos más mozos (d’unos 7-8 años) mentes que al algamar el Nivel 5, l’alumnu va enfilar el repertoriu de gaiteru solista. En tolos niveles va dase una importancia especial a l’afinación y al ritmu. Van deprendese técniques d’ornamentación y va tocase la escala cromática al traviés de delles tonalidaes, abarcando tola tesitura del instrumentu. Tamién van enxertase técniques d’acompañamientu de canción asturiana y llabores de caltenimientu del instrumentu. Dende los niveles iniciales, pondráse enfotu na interpretación grupal en forma de banda, bandina o pareyas instrumental.

Al los postrero del procesu, l’alumnu van cuntar coles ferramientes técniques abondes pa la creación del so estilu propiu d’interpretación personal.

Pedro Sanjurjo

Pedro Sanjurjo, profesor de gaita

Dende una formación clásica, fai estudios de pianu nel Conservatoriu Profesional d’Uviéu y de flauta travesera nel Conservatoriu Profesional de Llangréu. Na década de los 90, empecipia a interesase pola música tradicional asturiana y estudia gaita y zanfona na EMT La Quintana.

Anguaño participa como gaiteru, flautista y zanfonista en delles formaciones de música tradicional, como’l dúu Harpe Diem, la bandina De Mandilín o el grupu baile Xaranéu.

Dende l’añu 2001 imparte clases de gaita na EMT La Quintana, actividá que compaxina col so llabor como profesor de gaita y llinguaxe musical na Escuela Municipal de Música Tradicional de Morea (Ayer) y como profesor d’Educación Secundaria. Doctor inxenieru industrial pola Universidá d’Uviáu, ye anguaño el coordinador de la EMT La Quintana.

 

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies