¿Quién somos?

clase de zanfona

La Escuela de Música Tradicional La Quintana ye una iniciativa puesta en marcha nel añu 1997 pola Asociación Cultural Retueyu, una entidá ensin ánimu d’arriquecimientu que tien como principal oxetivu contribuyir a la presencia social de la música tradicional asturiana, averando la so enseñanza a tou tipu de persones  interesaaes  nel patrimoniu cultural asturianu, independientemente de la so edá o formación musical previa.

Añu tres d’añu, el volume d’alumnos de la EMT La Quintana foi aumentando progresivamente, poniendo de manifiestu’l creciente interés de la sociedá asturiana hacia la so música y cultura tradicional, y reforzando l’enfotu depositáu na escuela.

Na EMT La Quintana’l procesu d’enseñanza encóntase en trés aspeutos:

  1. El llinguaxe musical, qu’apurre la base teórica necesaria para los futuros músicos.
  2. Una especialidá instrumental: gaita, percusión tradicional, violín, curdión, flauta trevesera, guitarra, buzuki, zanfonía o cantar asturianu.
  3. La interpretación grupal, que fomenta l’intercambiu de conocencia ente los alumnos, al empar que-yos dexa esfrutar del aspeutu más lúdicu de la música.

Les clases na EMT La Quintana ufiértense de manera individual o en grupos reducíos. La EMT La Quintana apurre a los alumnos partitures, grabaciones y polo xeneral, tol material didáctico necesariu pa siguir les clases. Amás, la escuela dispón d’instrumentos  colos que los alumnos pueden empecipiase na práctica y estudiu antes d’adquirir unu propiu, dáu l’altu costu qu’ello supon. D’esta miente, los alumnos pueden disponer d’un instrumentu de calidá en réxime d’arriendu por un preciu simbólicu.

Per otru llau, dientro del proyectu educativu de la EMT La Quintana figuren diverses actividaes complementaries, como l’asistencia a conciertos, museos, esposiciones, conferencies y tou tipu d’eventos culturales. Coles mesmes, la EMT La Quintana non solo tien la misión d’ufiertar una enseñanza tresversal a los sos alumnos, sinón que tamién cunta con una clara vocación d’apertura a tola sociedá. Pa ello, entamar con frecuencia diversos talleres y cursos formativos, fomentando la llibre participación d’alumnos y músicos, yá sían  pertenecientes o non a la mesma escuela.

Anguaño, la escuela desenvuelve la so actividá nel CEIP Rei Pelayo, avenida de la constitución, 57, Xixón.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies