Oferta formativa

Vigulín

clases de vigulín

Al rau les corrientes pedagóxiques más modernes qu’imperen nel norte d’Europa, apuesta pola clase colectiva en grupu pequeñu, buscando la participación activa del alumnáu dende’l primer momentu, y fomentando con ello’l desarrollu de roles grupales, la responsabilidá y l’arriquecimientu musical mutúu, ensin desdexar l’atención personalizada del que tien falta’l deprendimientu del instrumentu nos anicios.

Impártense clases d’adultos y de neños usando materiales didácticos adaptaos y d’elaboración propio que permiten la práctica acompañaos del profesor nel aula, y de grabaciones en casa, evitando la monotonía y desasosiegu que produz la práctica en solitariu.

Tamién hai la posibilidá d’asistir de manera individualizada pa los alumnos avanzaos o que vienen d’otros estilos musicales y quieran adquirir nociones y técniques propies del estilu.

Los conteníos toquen la música tradicional asturiana y del arcu atlánticu en xeneral, les sos característiques, los ritmos y les sos técniques d’arcu y ornamentales.

Lisardo Prieto

Lisardo Prieto, profesor de vigulín

Entama tocar el vigulín de manera autodidacta, perfeccionando la técnica de violín tradicional con violinistes del altor de Guzmán Marqués, Elías García o Frankie Delgado. Recibe tamién formación clásica na Escuela Muñiz Toca d’Uviéu, completando la so formación n’Escocia, de la mano de los violinistes de les  bandes escoceses cabezaleres.

Imparte clases de vigulín tradicional na Escuela Llacín de Llanes, la Escuela de Música Tradicional Xácara d’Uviéu, la Fundación de Música Moderna NDKE d’Avilés y na Escuela Internacional de Música de la Fundación Príncipe de Asturias.

Diplomáu en Maxisteriu (especialidá d’educación musical) y Gráu Superior de Técnicu de Sonido, actualmente compaxina la docencia cola producción musical. Ye’l  vigulinista de los grupos Felpeyu y N’Arba, collaborando davezu con una montonera de grupos de la escena folk internacional.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies